भारताने दुसऱ्या विजयासह मालिका टाकली खिशात

बर्मिंगहम : भारत आणि इंग्लंड यांच्यातील दुसरा टी-२० सामना एजबॅस्टन येथे झाला. भारताने प्रथम फलंदाजी करत इंग्लंडसमोर विजयासाठी १७१ धावांचे लक्ष्य ठेवले. विजयासाठी १७१ धावांचा पाठलाग करत असताना भारतीय गोलंदाजांनी चमकदार कामगिरी केल्यामुळे इंग्लंचा खेळ १२१ धावांवर आटोपल्याने भारताने ४९ धावांनी सामना जिंकत मालिकेवर कब्जा केला. रोहित शर्माच्या नेतृत्वाखाली भारताच्या टी २० संघाने हा सामना जिंकल्यामुळे 'सर्वाधिक सलग विजय' मिळवणाऱ्यांच्या यादीत रोहित शर्मा सर्वात वर आला आहे.

भारताने प्रथम फलंदाजी करत इंग्लंडसमोर विजयासाठी १७१ धावांचे लक्ष्य ठेवले. रोहित शर्मा व ऋषभ पंत सलामीला आले. या दोघांनी आक्रमक सुरूवात करून पहिल्या पाच षटकात ४९ धावा केल्या. त्यानंतर भारताचा एक-एक खेळाडू बाद होत गेला. पंत व जडेजाने २९ चेंडूंत ४६ धावांची नाबाद खेळी करून टीम इंडियाला सावरण्याचा प्रयत्न केला. रविंद्र जडेजाने आपल्या संघाला समाधानकारक धावसंख्या उभारून देत नाबाद ४६ धावा करत १७० धावांपर्यंत पोहचवले.

१७१ धावांचा पाठलाग करत असताना इंग्लंडचा एकही फलंदाज भारतीय गोलंदाजांसमोर टिकून फलंदाजी करू शकला नाही. इंग्लंडच्या जेसन रॉयला पहिल्याच चेंडूवर बाद करत भुवनेश्वर कुमारने दमदार सुरूवात करत तीन विकेट घेतल्या. त्यानंतर जसप्रीत बुमराह व रविंद्र जडेजा यांनी प्रत्येकी दोन विकेट घेतल्याने इंग्लंडचा संघ १२१ धावा करू शकला. भारताने ३ सामन्यांच्या मालिकेत २-० अशी आघाडी घेत ४९ धावांनी विजय मिळविला व मालिका खिशात घातली.