महाराष्ट्राचे उपमुख्यमंत्री अजित पवार यांचे विमान अपघातात निधन

या अपघातात अजित पवार यांच्यासह कॅप्टन सुमित कपूर, कॅप्टन शांभवी पाठक, सुरक्षारक्षक विदिप जाधव आणि फ्लाइट अटेंडंट पिंकी माळी यांचा मृत्यू झाला आहे. अजित पवार हे जिल्हा परिषद आणि पंचायत समिती निवडणुकीच्या प्रचारासाठी मुंबईतून बारामतीच्या दिशेने विमानाने येत होते. विमानाचे लँडिंग करताना हा अपघात घडला.

अजित पवार यांचे निधन झाल्यानंतर महाराष्ट्रात शोककळा पसरली आहे. गुरुवार दिनांक २९ रोजी सकाळी ११ वाजता त्यांच्यावर अंतिम संस्कार केले जाणार आहेत. पंतप्रधान नरेंद्र मोदी आणि केंद्रीय गृहमंत्री अमित शाह हे अजित पवार यांच्या अंतिम संस्काराला उपस्थित राहण्याची शक्यता आहे.