फलटणचा नवा शेर...समशेर ! समशेरसिंह नाईक निंबाळकर फलटणचे नवे नगराध्यक्ष

स्थापनेची सुमारे १५० वर्षे पूर्ण केलेल्या फलटण नगरपालिकेच्या सत्तेत सुमारे ३४ वर्षानंतर सत्ता बदल झाला आहे. श्रीमंत रामराजे नाईक निंबाळकर यांच्याकडे असलेली सत्ता फलटणच्या मतदारांनी माजी खासदार रणजितसिंह नाईक निंबाळकर यांच्याकडे मोठ्या विश्वासाने सोपविली आहे. फलटणच्या नगराध्यक्षपदी रणजितसिंह नाईक निंबाळकर यांचे ज्येष्ठ बंधू समशेरसिंह नाईक निंबाळकर यांना निवडून दिले असून २७ नगरसेवक पदाच्या जागांपैकी १८ जागांवर त्यांच्या युतीचे उमेदवार विजयी झाले आहेत. आमदार श्रीमंत रामराजे नाईक निंबाळकर यांचे सुपुत्र ॲड.श्रीमंत अनिकेतराजे नाईक निंबाळकर नगराध्यक्षपदाच्या निवडणुकीत पराभूत झाले असून २७ नगरसेवक पदाच्या जागांपैकी ९ जागा त्यांना मिळाल्या आहेत.

या निवडणुकीत भारतीय जनता पक्ष, राष्ट्रवादी काँग्रेस पक्ष (अजित पवार) विरुद्ध शिवसेना-एकनाथ शिंदे, राष्ट्रीय काँग्रेस पक्ष, व कृष्णा भीमा विकास आघाडी अशी लढत झाली होती. या लढतीमध्ये नगरसेवकपदाच्या एकूण २७ जागांपैकी भारतीय जनता पक्षाने १२, राष्ट्रवादी काँग्रेस पार्टीने ४, भाजप पुरस्कृत अपक्ष २ अशा एकूण १८ जागांवर विजय मिळवला आहे. शिवसेना पक्षाने ७, कृष्णा भीमा १, आणि राष्ट्रीय काँग्रेसने १ अशा एकूण ९ जागांवर विजय मिळविला आहे. नगराध्यक्षपदासाठी झालेल्या लढतीत भाजपच्या समशेरसिंह नाईक निंबाळकर यांना १६ हजार ४८९ मते मिळाली आहेत. प्रतिस्पर्धी उमेदवार म्हणून उभे राहिलेल्या श्रीमंत अनिकेतराजे नाईक निंबाळकर यांना १५ हजार ८८९ मते मिळाली आहेत.

भारतीय जनता पक्ष :

१) सुलक्षणा जितेंद्र सरगर, २) कांचन दत्तात्रय व्हटकर, ३) रोहित राजेंद्र नागटिळे, ४) किरण देवदास राऊत, ५) श्रीमती मंगलादेवी पृथ्वीराज नाईक निंबाळकर, ६) स्वाती राजेंद्र भोसले, ७) कु. सिद्धाली अनुप शहा, ८) अमित अशोक भोईटे, ९) संदीप दौलतराव चोरमले, १०) प्रियदर्शनी रणजितसिंह भोसले, ११) मोहिनी मंगेश हेंद्रे, १२) रुपाली अमोल सस्ते

राष्ट्रवादी काँग्रेस पार्टी (अजित पवार) :

१३) मीना जीवन काकडे, १४) सुपर्णा सनी अहिवळे, १५) सचिन रमेश अहिवळे, १६) राहुल अशोक निंबाळकर

अपक्ष : 

१७) अस्मिता भिमराव लोंढे, १८) सोमा गंगाराम जाधव

१) रुपाली सुरज जाधव, २) अजरुद्दीन ताजुद्दीन शेख, ३) पांडुरंग मानसिंगराव गुंजवटे, ४) विशाल उदय तेली, ५) श्वेता किशोर तारळकर, ६) विकास वसंतराव काकडे, ७) स्मिता संगम शहा, ८) पंकज चंद्रकांत पवार (राष्ट्रीय काँग्रेस), ९) कविता श्रीराम मदने (कृष्णा भीमा विकास आघाडी)

नव्या राजकीय समीकरणांची सुरुवात 

१९९१ सालापासून विधान परिषदेचे माजी सभापती व आमदार श्रीमंत रामराजे नाईक निंबाळकर यांची फलटण नगरपालिकेवर एकहाती सत्ता कायम होती. मात्र, यंदाच्या निवडणुकीत ही सत्ता बदलली आहे. माजी खासदार रणजितसिंह नाईक निंबाळकर यांच्या नेतृत्वाखाली भाजप-राष्ट्रवादी युतीने निर्णायक विजय मिळवत फलटण नगरपालिकेत सत्तांतर घडवून आणले आहे. या निकालामुळे फलटण शहराच्या राजकारणात नव्या राजकीय समीकरणांची सुरुवात झाली आहे.