डॉ.प्रसाद जोशी व प्रसन्न जोशी 'परशुराम' पुरस्काराने सन्मानित

डॉ. प्रसाद जोशी यांनी सन २००० मध्ये अस्थिरोगतज्ज्ञ म्हणून आपल्या वैद्यकीय सेवेला सुरुवात केली. सुरुवातीला स्वतःच्या घरातून सुरू झालेला हा रुग्णसेवेचा प्रवास आज पाच मजली, अत्याधुनिक आणि सुसज्ज अशा स्वतःच्या वास्तूमध्ये यशस्वीपणे उभा राहिला आहे.

डॉ.जोशी यांनी २००९ मध्ये तालुका स्तरावरील पहिले 'एमआरआय' मशीन सुरू करून रुग्णांसाठी आधुनिक तपासणी सुविधा उपलब्ध करून दिली. २०१२ साली भारतात प्रथम 'जॉइन्ट रिप्लेसमेंट नेव्हिगेशन' तंत्रज्ञानाचा वापर करणारे हॉस्पिटल म्हणून जोशी हॉस्पिटलची नोंद झाली. २०१७ मध्ये तालुका स्तरावरील भारतातील पहिले 'एनएबीएच' मानांकन प्राप्त हॉस्पिटल होण्याचा मान मिळाला. २०२३ साली तालुका स्तरावर प्रथमच डॉ.प्रसाद जोशी यांनी रोबोटिक्स तंत्रज्ञानावर आधारित शस्त्रक्रिया सुरू करून उपचारांच्या गुणवत्तेत नवे पर्व सुरू केले.

डॉ.प्रसाद जोशी यांनी आतापर्यंत ३०,००० हून अधिक हाडांच्या शस्त्रक्रिया, ४,५०० पेक्षा अधिक संधेरोपण, २,००० हून अधिक मणक्यांच्या तसेच ५०० हून अधिक रोबोटिक शस्त्रक्रिया यशस्वीरीत्या केल्या आहेत. विशेष म्हणजे ११० वर्षांच्या ज्येष्ठ रुग्णावरही त्यांनी यशस्वी शस्त्रक्रिया करून वैद्यकीय क्षेत्रात नवा आदर्श निर्माण केला आहे.

आज जोशी हॉस्पिटल आधुनिक तंत्रज्ञान, गुणवत्तापूर्ण उपचार, रुग्णकेंद्रित सेवा आणि विश्वास याचे प्रतीक बनले असून तालुका स्तरावर जागतिक दर्जाची ऑर्थोपेडिक सेवा देत आहे.