फलटणची मिताली जिल्हास्तरीय बॅडमिंटन चॅम्पियनशीप स्पर्धेत अव्वल

जिल्हास्तरीय बॅडमिंटन चॅम्पियनशीप स्पर्धेत निंभोरे (ता.फलटण) येथील कु.मिताली अनिल महामुनी या विद्यार्थिनीने १३ वर्षीय गटात विजेतेपद पटकविले असून तालुक्यातील क्रीडाक्षेत्रात तिचे अभिनंदन होत आहे.

जिल्हा बॅडमिंटन असोसिएशनच्यावतीने जिल्हास्तरीय बॅडमिंटन चॅम्पियनशीप स्पर्धा सातारा येथील शाहू स्टेडीयमध्ये घेण्यात आल्या होत्या. १३ वर्षीय वयोगटात झालेल्या या स्पर्धेत मितालीने नेत्रदीपक यश मिळविले. स्पर्धेनंतर जिल्हा बॅडमिंटन असोसिएशनच्या अध्यक्षा श्रीमंत छ.वृषालीराजे भोसले, मनोज कान्हेरे व अन्य मान्यवरांच्या प्रमुख उपस्थितीत मितालीला पारितोषिक देवुन तिचा गौरव करण्यात आला.

कु.मिताली येथील मुधोजी हायस्कूलमध्ये इयत्ता ६ वी मध्ये शिकत असून फलटणमधील नरेंद्र जगताप यांच्या मार्गदर्शनाखाली त्यांच्याच अकॅडमीत बॅडमिंटनचा सराव करत आहे.

मितालीच्या या यशाबदल फलटण एज्युकेशन सोसायटीचे सेक्रेटरी श्रीमंत संजीवराजे नाईक निंबाळकर, मुधोजी हायस्कूलचे प्राचार्य सुधीर अहिवळे, ज्येष्ठ पत्रकार प्रा.रमेश आढाव, प्रा.देशमुख, राजाराम जगताप सर, रणवरे सर, राज जाधव, कृष्णा जाधव, पालक श्री व सौ.महामुनी आदींनी तिचे अभिनंदन केले.