ऐतिहासिक विजयानंतर फलटणमध्ये सत्ता परिवर्तनाचा जल्लोष ; आज भाजपा–राष्ट्रवादी युतीचा भव्य जाहीर आभार मेळावा : मंत्री जयकुमार गोरे उपस्थित राहणार 

या मेळाव्यात नवनिर्वाचित नगराध्यक्ष समशेरसिंह नाईक निंबाळकर यांच्यासह भाजपा–राष्ट्रवादी युतीच्या सर्व नवनियुक्त नगरसेवकांचा जाहीर नागरी सत्कार राज्याचे ग्रामविकास मंत्री जयकुमार गोरे यांच्या हस्ते करण्यात येणार आहे. यावेळी माजी खासदार रणजितसिंह नाईक निंबाळकर, आमदार सचिन पाटील यांच्यासह युतीचे प्रमुख नेते उपस्थित राहणार आहेत.

फलटणच्या राजकारणात प्रदीर्घ काळानंतर झालेल्या सत्ता परिवर्तनानंतरची ही पहिलीच मोठी जाहीर सभा असल्याने संपूर्ण शहरासह तालुक्याचे लक्ष या मेळाव्याकडे लागले आहे. मेळाव्याप्रसंगी नेतेमंडळी सत्ता परिवर्तनावर आपली भूमिका कशी मांडणार आणि विरोधकांवर कोणत्या मुद्यांवर हल्लाबोल करणार, याकडे राजकीय वर्तुळाचे विशेष लक्ष लागले आहे.

या आभार मेळाव्यासाठी भाजपा–राष्ट्रवादी युतीचे कार्यकर्ते व नागरिकांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे.