साताऱ्यात रंगणार सरस्वतांचा सोहळा ! ९९व्या मराठी साहित्य संमेलनाची 'ग्रंथदिंडी' ठरणार ऐतिहासिक

एकता दर्शन (सातारा) : ऐतिहासिक सातारा नगरीत होणाऱ्या ९९व्या अखिल भारतीय मराठी साहित्य संमेलनाचे काऊंटडाऊन सुरू झाले असून, या महासोहळ्यातील ग्रंथदिंडी व भव्य शोभायात्रा हे प्रमुख आकर्षण ठरणार आहेत. १ जानेवारी २०२६ रोजी गांधी मैदान येथून या दिंडीचा शुभारंभ होणार आहे. भारतीय संतपरंपरा, समाजसुधारकांचे कार्य तसेच साताऱ्याच्या समृद्ध शैक्षणिक, सांस्कृतिक व पर्यटन परंपरेचे दर्शन या शोभायात्रेतून घडणार असल्याची माहिती महामंडळाचे अध्यक्ष प्रा. मिलिंद जोशी आणि कार्याध्यक्ष विनोद कुलकर्णी यांनी दिली.