मी लोकांसमोर नग्न होऊ शकतो ; बाबा

एकता दर्शन : रणवीर सिंगने एका 'पेपर मॅगझिन'च्या कव्हर पेजसाठी नग्न फोटोशूट करून सामाजिक माध्यमावर खळबळ उडवली आहे. फोटोंमध्ये रणवीर कपड्यांशिवाय दिसत असून अनेकांना ते फोटो आवडले असून काहींनी त्याला ट्रोलही केले आहे.

अभिनेता रणवीर सिंग त्याच्या ड्रेसिंग सेन्समुळे अनेकदा चर्चेत असतो, आणि ड्रेसिंगमुळे तो ट्रोलही होतो. सध्या त्याच्या एका न्यूड फोटोशूटने सामाजिक माध्यमावर धुमाकूळ घातला आहे. त्यावर कमेंटच्या माध्यमातून काहींनी रणवीरबाबाचे फोटो योग्य असल्याचे सांगून त्याची ही बिनधास्त स्टाईल जाम आवडली असल्याचे सांगितले आहे, तर काहींनी जोरदार टीका करत हे फोटो अजिबात आवडले नसल्याचे सांगितले आहे.

रणवीर बाबाच्या या फोटोंमुळे नेटकऱ्यांनी अनेक प्रकाराचे मिम्स बनवले असल्याने त्या मिम्सने संपूर्ण सामाजिक माध्यमांवर ताबा मिळवला असून रणवीर सध्या ट्रेंडिंगवर आहे. फोटोशूट संदर्भात रणवीर मासिकाला दिलेल्या मुलाखतीत म्हणतो मी माझ्या सभोवतालच्या प्रत्येक गोष्टीबद्दल अतिसंवेदनशील आहे, मी जसा आहे तसाच आहे. शारीरिकदृष्ट्या नग्न राहणे माझ्यासाठी कठीण नाही. मी हजारो लोकांसमोर नग्न होऊ शकतो, मला कशाचीही पर्वा नाही.