भारताने टॉस जिंकला : आजपासून एकदिवसीय सामन्यांची मालिका सुरु

भारत आणि इंग्लड यांच्यामध्ये आजपासून एक दिवसीय सामन्यांची मालिका सुरु होत आहे. ओव्हलच्या मैदानावर आज पहिला सामना खेळाला जाणार आहे. भारताचा कर्णधार रोहित शर्मा याने नाणेफेक जिंकून प्रथम गोलंदाजी करण्याचा निर्णय घेतला आहे.

केनिंग्टन ओव्हल, लंडन : भारत आणि इंग्लड यांच्यामध्ये आजपासून एक दिवसीय सामन्यांची मालिका सुरु होत आहे. ओव्हलच्या मैदानावर आज पहिला सामना खेळाला जाणार आहे. भारताचा कर्णधार रोहित शर्मा याने नाणेफेक जिंकून प्रथम गोलंदाजी करण्याचा निर्णय घेतला असून टी-२० मालिका विजयाने भारतीय संघाचा आत्मविश्वास उंचावला आहे. दुसऱ्या बाजूला इंग्लंड टी-२० मालिकेतील पराभवाचा बदला घेण्याच्या हिशोबाने मैदानात तयार असेल.

दुखापतीमुळे विराट कोहली आजच्या सामन्यात खेळणार नसून प्रसिद्ध कृष्णाला संघाने संधी दिली आहे. तसेच टी-२० मालिकेतील शेवटच्या सामन्यात सूर्यकुमार यादवने ५५ चेंडूत ११७ धावा काढून कमालीचा खेळाला असल्याने त्याच्याकडून आज चांगल्या कामगिरीची अपेक्षा असून सर्वांच्या त्याच्यावर नजरा असतील.

असा असेल भारताचा संघ : रोहित शर्मा (कर्णधार), शिखर धवन, श्रेयस अय्यर, सूर्यकुमार यादव, ऋषभ पंत, हार्दिक पंड्या, रवींद्र जाडेजा, जसप्रीत बुमराह, मोहम्मद शमी, प्रसिद्ध कृष्णा, युजवेंद्र चहल.