लॉर्ड्सवर अवतरला क्रिकेटचा देव

एकता दर्शन : गुरवार दिनांक १४ जुलै रोजी इंग्लंड आणि भारत यांच्यात लॉर्ड्सवर दुसरा एकदिवसीय सामना पार पडला. यावेळी क्रिकेटचा देव समजला जाणारा सचिन तेंडुलकर सामना पाहण्यासाठी उपस्थित असल्याचा दिसला.

काल भारत आणि इंग्लंड यांच्यात दुसरा एकदिवसीय सामना पार पडला. यावेळी क्रिकेटचा देव समजला जाणारा सचिन तेंडुलकर आणि बीसीसीआय अध्यक्ष सौरव गांगुली हे दोघे सामना पाहण्यासाठी उपस्थित होते. सामना चालू असताना भारताकडून मोहम्मद शमी सहावे षटक टाकत असताना कॅमेरामनने कॅमेरा प्रेक्षकांच्या गॅलरीवर फिरवला तेव्हा सचिन तेंडुलकर आणि सौरव गांगुली हे दोघे एकत्र दिसून आल्यानंतर सामना पाहण्यासाठी आलेल्या प्रेक्षकांनी आवाज करत आनंद व्यक्त केला.

सचिन आणि सौरव हे दोघे लॉर्ड्सवर एकत्र सामन्याचा आनंद घेत असल्याचा व्हिडिओ सामाजिक माध्यमांवर वेगाने व्हायरल होत असून अनेक दिवसानंतर सचिन व सौरव एकत्र दिसल्यामुळे भारताकडून प्रथम फलंदाजीसाठी मैदानात उतरणाऱ्या पूर्वीच्या जोडीची आठवण नेटकरी शेअर करत आहेत.