एकदिवसीय मालिका जिंकण्यासाठी भारताची आज कसोटी

एकता दर्शन : भारत आणि इंग्लंड यांच्यात आज तीन एकदिवसीय सामन्यांच्या मालिकेतील शेवटचा सामना मँचेस्टर ओल्ड ट्रॅफर्ड येथे सुरु आहे. मालिकेत दोन्ही संघ १-१ ने बरोबरीत असून भारताला मालिकेवर आपले नाव कोरण्यासाठी हा सामना जिंकणे गरजेचे आहे.

भारत आणि इंग्लंड यांच्यात आज तीन एकदिवसीय सामन्यांच्या मालिकेतील शेवटचा सामना मँचेस्टर ओल्ड ट्रॅफर्ड येथे सुरु आहे. मालिकेत दोन्ही संघ १-१ ने बरोबरीत असल्याने मालिका जिंकण्यासाठी भारत मैदानावर उतरला असेल यात शंका नाही. लॉर्ड्सवर झालेल्या सामन्यात भारताला १०० धावांनी पराभव स्वीकारावा लागला होता, त्यामुळे भारताला मँचेस्टरमध्ये इंग्लंडविरुद्धच्या सुरु असलेल्या अखेरच्या सामन्यात फलंदाजीसह गोलंदाजीतसुद्धा चांगले प्रदर्शन करावे लागेल.

कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला आहे. जसप्रीत बुमराह आजच्या सामन्यात खेळत नसून त्याच्याजागेवर मोहम्मद सिराजचा समावेश करण्यात आला आहे. इंग्लंडविरुद्धच्या खेळल्या जाणाऱ्या तीन एकदिवसीय सामान्यांच्या मालिकेत भारताने पहिल्या सामन्यात इंग्लंडचा १० विकेट राखून दारुण पराभव केला होता. त्यानंतर दुसऱ्या सामन्यात इंग्लंडने भारताचा १०० धावांनी पराभव केला. त्यामुळे १-१ ने बरोबरीत असलेली तीन एकदिवसीय सामान्यांची मालिका जिंकण्यासाठी भारताची आज कसोटी असेल.

असा आहे आजचा भारताचा संघ :

रोहित शर्मा (कर्णधार), शिखर धवन, विराट कोहली, सूर्यकुमार यादव, रिषभ पंत, हार्दिक पंड्या, रवींद्र जडेजा, मोहम्मद शमी, मोहम्मद सिराज, युजवेंद्र चहल, प्रसिद्ध कृष्णा