इंग्लंड विरुद्धच्या दुसऱ्या एकदिवसीय सामन्यासाठी असा असेल भारतीय संघ

एकता दर्शन : भारत आणि इंग्लंड यांच्यात आज लॉर्ड्सवर दुसरा एकदिवसीय सामना होत असून तीन एकदिवसीय सामन्यांची मालिका आपल्या खिशात घालण्यासाठी भारत सज्ज झाला आहे.

ओव्हल येथे खेळल्या गेलेल्या पहिल्या एकदिवसीय सामन्यात भारताने इंग्लंडचा १० विकेट्सने दारुण पराभव केला होता. या दोघांमध्ये आज लॉर्ड्सवर दुसरा एकदिवसीय सामना होत असून तीन एकदिवसीय सामन्यांची मालिका आपल्या खिशात घालण्यासाठी भारत सज्ज झाला आहे. ओव्हलवर खेळल्या गेलेल्या पहिल्या सामन्यात जसप्रीत बुमराहने १९ धावा देत ६ विकेट्स घेतल्या व मोहम्मद शमीने ३ विकेट्स घेऊन यजमान इंग्लंडला ११० धावांवर रोखले होते. त्यानंतर रोहित शर्मा आणि शिखर धवन हे सलामीला उतरले व त्या दोघांनी भारताला विजय मिळवून दिला होता. त्यामुळे लॉर्ड्सवर आजही या खेळाडूंवर सर्वांच्याच नजरा असतील.

असा आहे आजचा भारताचा संघ : 

रोहित शर्मा (कर्णधार), शिखर धवन, विराट कोहली , सूर्यकुमार यादव, ऋषभ पंत (यष्टीरक्षक), हार्दिक पंड्या, रवींद्र जाडेजा, मोहम्मद शमी, जसप्रीत बुमराह, प्रसिद्ध कृष्णा, युजवेंद्र चहल.