वेस्ट इंडिज विरुद्धच्या टी२० मालिकेसाठी भारतीय संघाची घोषणा

एकता दर्शन : बीसीसीआयने वेस्ट इंडिजविरुद्धच्या आगामी टी२० मालिकेसाठी भारतीय संघ जाहीर केला असून त्याची अधिकृत माहिती ट्विटर वरून दिली.

बीसीसीआयने वेस्ट इंडिजविरुद्धच्या आगामी टी२० मालिकेसाठी भारतीय संघ जाहीर केला असून त्याची अधिकृत माहिती ट्विटर वरून दिली. ट्विटमध्ये बीसीसीआयने खेळाडूंच्या जाहीर केलेल्या यादीमध्ये के. एल. राहुल व कुलदीप यादव यांच्या नावापुढे स्टार केले असून त्या दोघांचे संघात राहणे हे त्यांच्या फिटनेसवर अवलंबून असेल असा उल्लेख केला आहे.

बुमराह व कोहली यांना विश्रांती :

वेस्ट इंडिज विरुद्धच्या होणाऱ्या मालिकेत वेगवान गोलंदाज जसप्रीत बुमराहला विश्रांती देण्यात आली आहे. इंग्लंडविरुद्धच्या ओव्हल येथील पहिल्या एकदिवसीय सामन्यात बुमराहने १९ धावा देत ६ विकेट घेऊन त्याच्या क्रिकेटच्या कारकिर्दीतील सर्वोत्तम कामगिरी त्याने केली होती. बुमराह सोबत कोहलीला सुद्धा विश्रांती दिली असून तो वेस्ट इंडिज विरुद्ध होणाऱ्या टी२० किंवा एकदिवसीय मालिका खेळण्यासाठी जाणार नाही हे स्पष्ट आहे.

असा असेल भारतीय संघ :

रोहित शर्मा (कर्णधार), ईशान किशन, के.एल. राहुल*, सूर्यकुमार यादव, दीपक हुड्डा, श्रेयस अय्यर, दिनेश कार्तिक, ऋषभ पंत, हार्दिक पंड्या, रवींद्र जडेजा, अक्षर पटेल, आर अश्विन, रवी बिष्णोई, कुलदीप यादव*, भुवनेश्वर कुमार, आवेश खान, हर्षल पटेल, अर्षदिप सिंह.