बूम बूम बुमराह नंबर एकचा गोलंदाज : ट्रेंड बोल्टला टाकले मागे

भारत आणि इंग्लड यांच्यातील पहिल्या एकदिवसीय सामन्यात जसप्रीत बुमराहने १९ धावा देत ६ विकेट्स घेऊन त्याच्या क्रिकेटच्या कारकिर्दीतील सर्वोत्तम कामगिरी करून ICC ने जाहीर केलेल्या पुरुषांच्या एकदिवसीय गोलंदाजी क्रमवारीत प्रथम क्रमांकाचे स्थान मिळवले.

एकता दर्शन : मंगळवार दिनांक १२ जुलै रोजी झालेल्या भारत आणि इंग्लड यांच्यातील पहिल्या एकदिवसीय सामन्यात जसप्रीत बुमराहने १९ धावा देत ६ विकेट्स घेऊन त्याच्या क्रिकेटच्या कारकिर्दीतील सर्वोत्तम कामगिरी केली. त्यानंतर बुधवारी ICC ने पुरुषांची एकदिवसीय गोलंदाजी क्रमवारी जाहीर केली, त्यामध्ये त्याने न्यूझीलंडचा वेगवान गोलंदाज ट्रेंट बोल्टला मागे टाकत पहिल्या क्रमांकावर झेप घेतली आहे.

ट्रेंट बोल्ट आता ICC पुरुषांच्या एकदिवसीय गोलंदाजी क्रमवारीत ७१२ रेटिंग गुणांसह दुसऱ्या क्रमांकावर गेला आहे. पाकिस्तानचा वेगवान गोलंदाज शाहीन शाह आफ्रिदी तिसर्‍या स्थानावर आला असून त्याचे रेटिंग ६८१ आहे. ICCने जाहीर केलेल्या क्रमवारीत पहिल्या १० गोलंदाजांमध्ये मध्ये जसप्रीत बुमराह हा भारताचा एकमेव खेळाडू असून ७१८ रेटिंग गुणांसह तो पहिल्या क्रमांकावर आहे.