एकता दर्शन (गुणवरे ता.फलटण) : तालुक्यातील मंजूर मात्र अपूर्ण असणाऱ्या विविध योजनेतील घरकुलांची कामे पूर्णत्वास नेण्यासाठी लाभधारकांनी प्रयत्न करावेत अन्यथा पात्र लाभार्थींनी शासनाने दिलेल्या घरकुलांच्या रक्कमा परत कराव्यात, एकतर घरकुल बांधा नाही तर शासनास पैसे परत करा असा गर्भीत इशारा फलटण पंचायत समितीच्या गटविकास अधिकारी डॉ.सौ.अमिता गावडे यांनी दिला आहे.
घरकुल कामांचा आढावा घेण्यासाठी तालुक्यातील प्रत्येक ग्रामपंचायतमध्ये जाऊन गटविकास अधिकारी सौ. गावडे आढावा घेत आहेत. याच पार्श्वभूमीवर दि. १७ रोजी गुणवरे ग्रामपंचायतीच्या मासिक बैठकीत येऊन त्यांनी गावातील घरकुल कामांचा आढावा घेतला. गावातील लाभार्थींनी आपले घर वेळेत पूर्ण करावे यासाठी प्रत्येक वॉर्डमधील ग्रामपंचायत सदस्यांनी पाठपुरावा करून संबंधितांना तशा सूचना करण्यास सांगितले.
शासनाच्या विविध विकास योजनांची गावात अंमलबजावणी करण्यासाठी केवळ ग्रामसेवक व सरपंच यांनी प्रयत्न करून चालणार नाही, तर प्रत्येक वॉर्डमध्ये निवडून आलेल्या ग्रामपंचायत सदस्यांनी आपली सामाजिक जबाबदारी म्हणून काम केले पाहिजे असे सौ. गावडे यांनी यावेळी स्पष्ट केले.
प्रारंभी ग्रामपंचायतच्यावतीने सरपंच सौ. अधिका गावडे व ज्येष्ठ पत्रकार प्रा. रमेश आढाव यांनी डॉ. अमिता गावडे यांचे स्वागत केले. यावेळी माजी सरपंच व विद्यमान सदस्या सौ. शशिकला जिजाबा गावडे, सौ.अनिता नाळे, सौ.सुनिता घुले, सौ.भारती गावडे, सौ. राणीबाई आढाव, सौ.सविता आढाव, अजित कणसे (बापू ), शिवाजी मारूती गावडे, अंकुश गरगडे, शैलेश गावडे ग्रामसेवक कोळी, राजाभाऊ गावडे, सतिश गौंड, नामदेव जाधव, कैलास आढाव आदी उपस्थित होते.
Sponsored
संबंधित बातम्या
साथीच्या आजारांसाठी जिल्हा आरोग्य यंत्रणा सज्ज
एकदा दर्शन, सातारा : पावसाळा व साथरोगाच्या पार्श्वभूमीवर जिल्हा आरोग्य यंत्रणा सज्ज असून विविध प्रकारच्या उपयोजना राबविण्यात येत असल्याची माहिती प्रभारी जिल्हा आरोग्य अधिकारी डॉ.प्रमोद...
सातारा जिल्हा माहिती अधिकारीपदी वर्षा पाटोळे
एकता दर्शन : प्रशासकीय सेवेत आपल्या कामाचा ठसा उमटविणाऱ्या वर्षा पाटोळे यांनी सातारा जिल्हा माहिती अधिकारी पदाचा कार्यभार स्वीकारला. यावेळी जिल्हा माहिती कार्यालयाच्या वतीने माहिती...
