"शायनिंग महाराष्ट्र" प्रदर्शनाचा समारोप

फलटण येथील शुभारंभ कार्यालय परिसरात गेली दोन दिवसांपासून सुरू असणाऱ्या केंद्र सरकार अंतर्गत "शायनिंग महाराष्ट्र" प्रदर्शनाचा समारोप केंद्रीय संचार राज्य मंत्री देवुसिंह चौहान यांच्या प्रमुख उपस्थितीत व खासदार रणजितसिंह नाईक निंबाळकर यांच्या अध्यक्षतेखाली रविवार दि. २७ रोजी सकाळी १० वाजता प्रदर्शन स्थळी होणार असल्याची माहिती "शायनिंग महाराष्ट्र" प्रदर्शनाच्या आयोजकांनी दिली आहे.

फलटण : येथील शुभारंभ कार्यालय परिसरात गेली दोन दिवसांपासून सुरू असणाऱ्या केंद्र सरकार अंतर्गत "शायनिंग महाराष्ट्र" प्रदर्शनाचा समारोप केंद्रीय संचार राज्य मंत्री देवुसिंह चौहान यांच्या प्रमुख उपस्थितीत व खासदार रणजितसिंह नाईक निंबाळकर यांच्या अध्यक्षतेखाली रविवार दि. २७ रोजी सकाळी १० वाजता प्रदर्शन स्थळी होणार असल्याची माहिती "शायनिंग महाराष्ट्र" प्रदर्शनाच्या आयोजकांनी दिली आहे. याप्रसंगी नूतन भाजप पदाधिकाऱ्यांचा मान्यवरांच्या हस्ते सत्कार होणार असून भाजप सातारा जिल्हाध्यक्ष जयकुमार गोरे यांची विशेष उपस्थिती राहणार आहे. 

खासदार रणजितसिंह नाईक निंबाळकर यांच्या संकल्पनेतून जाधववाडी ता. फलटण येथील शुभारंभ लॉन्स येथे केंद्रीय मंत्रालयातील विविध विभागांचे भव्य प्रदर्शन गेली दोन दिवसांपासून सुरु असून त्याचा समारोप मान्यवरांच्या उपस्थितीत होणार आहे. यावेळी भाजप सातारा जिल्हाध्यक्ष आमदार जयकुमार गोरे, आमदार राम सातपुते, राज्य सरचिटणीस विक्रम पावसकर, फलटण नगरपालिका विरोधीपक्ष नेते समशेरसिंह नाईक निंबाळकर, जिल्हा परिषद सदस्या सौ. जिजामाला नाईक निंबाळकर, श्रीकांत देशमुख जिल्हाध्यक्ष सोलापूर यांच्यासह आदी मान्यवर उपस्थित राहणार आहेत.

याप्रसंगी आमदार जयकुमार गोरे यांची भाजपच्या सातारा जिल्हा अध्यक्षपदी व विक्रम पावसकर यांची राज्य सरचिटणीस पदी निवड झाल्याबद्दल, तसेच राज्यात भाजपाचे सर्वात जास्त ग्रामपंचायत सदस्य व नगरसेवक निवडून आल्याबद्दल सोलापूर जिल्हाध्यक्ष श्रीकांत देशमुख या सर्वांचा सत्कार केंद्रीय राज्यमंत्री यांच्या हस्ते होणार आहे. या कार्यक्रमाला नागरिकांनी उपस्थित रहावे असे आवाहन संयोजकांच्या वतीने  करण्यात आले आहे.