"शायनिंग महाराष्ट्र" स्पर्धेचा दिमाखात उद्घाटन सोहळा
केंद्र शासनाच्या जनजागृती अभियानांतर्गत विविध योजनांची युवा उद्योजकांना मिळणारी माहिती व्यवसाय व उद्योग उभारणीसाठी उपयुक्त ठरणार असुन केंद्र शासन अंतर्गत आयोजित "शायनिंग महाराष्ट्र" प्रदर्शनाचा लाभ युवा बेरोजगार तरुणांनी घ्यावा असे आवाहन खासदार रणजितसिंह नाईक निंबाळकर यांनी केले आहे.
फलटण : स्वराज फाऊंडेशन आणि सांसा फाऊंडेशन यांच्या संयुक्त विद्यमाने केंद्र शासनाच्या जनजागृती अभियानांतर्गत प्रदर्शनाचे उद्घाटन खासदार रणजितसिंह नाईक निंबाळकर, सौ. जिजामाला नाईक निंबाळकर, ज्येष्ठ नेते प्रल्हादराव साळुंखे पाटील यांच्या हस्ते करण्यात आले. याप्रसंगी विशेष अतिथी म्हणून प्रांत आधिकारी डॉ. शिवाजीराव जगताप, उपविभागीय पोलिस अधिकारी तानाजी बरडे, तहसिलदार समीर यादव, गटविकास अधिकारी डॉ. अमिता गावडे. आदी मान्यवर उपस्थित होते.
तालुक्यासह जिल्ह्यातील बेरोजगार युवकांना या प्रदर्शनातील विविध योजनांच्या माहितीचा उपयोग व्यवसाय उद्योग सुरू करण्यासाठी होणार असल्याने अशा प्रदर्शनाचे आयोजन केले असल्याने बेरोजगार युवकांना या प्रदर्शनाचा निश्चीत फायदा होईल.
"शायनिंग महाराष्ट्र" या प्रदर्शनात कृषी आणि अन्न प्रक्रिया, खनिज आणि उत्खनन, संशोधन आणि विकास, उद्योग आणि उद्योगजता, मत्स्यपालन आणि दुग्ध व्यवसाय, आरोग्य आणि पोषण, पर्यावरण आणि जलसंवर्धन, अक्षय उर्जा, विज्ञान माहिती व तंत्रज्ञान, संरक्षण, अंतराळ, लघु आणि मध्यम उद्योग, वाणिज्य व्यापार कौशल्य आणि उद्योजक, पायाभूत सुविधा व विकास, खादी आणि ग्रामोद्योग, हस्तकला यासह सुमारे शंभरहुन अधिक योजनांचा या प्रदर्शनात समावेश केला आहे.
दि. २५, २६, २७ असे तीन दिवस सकाळी १० ते सांय ५ वाजेपर्यंत प्रदर्शन खुले राहणार आहे. दरम्यान प्रदर्शनास आज रात्री उशिरापर्यंत शहर व तालुक्यातील विविध संस्थाचे पदाधिकारी, भाजप पदाधिकारी व कार्यकर्ते, युवा उद्योजक यांच्यासह नागरिकांनी हजेरी लावली. यात विद्यार्थ्यांचा मोठया प्रमाणात समावेश होता.
Sponsored
संबंधित बातम्या
सचिन यादव यांना "शरद कृषी उद्योजक" पुरस्कार जाहिर
के.बी. ग्रुप ऑफ कंपनीचे संचालक सचिन बबनराव यादव यांना या वर्षीचा शरद कृषी उद्योजक पुरस्कार जाहिर झाला असुन दि. २ फेब्रुवारी रोजी या पुरस्काराचे वितरण लोणंद येथे आयोजित केलेल्या कृषी...
गॅलेक्सी संस्थेच्या कार्यक्षेत्र विस्तारास परवानगी
केबी उद्योग समूहातील कर्मचारी, शेतकरी, शेतमजूर, व्यवसायिक यांच्या आर्थिक विकासासाठी युवा उद्योजक सचिन यादव यांच्या पुढाकाराने स्थापन झालेल्या गॅलेक्सी को-ऑपरेटिव्ह क्रेडिट सोसायटी...
भारत सरकारच्या स्टार्टअप योजनेचा लाभ नवउद्योजकांनी घ्यावा
देशातील बेरोजगार युवकांची आर्थिक प्रगती व्यवसायनिर्मितीच्या माध्यमातून व्हावी यासाठी पद्मश्री डॉ.मिलिंद कांबळे यांनी दलित इंडियन चेंबर ऑफ कॉमर्स अँड इंडस्ट्री (डिक्की) द्वारे भारत...
धीरज आढाव एक्सलन्स इन ह्युमन रिसोर्स मॅनेजमेंट पुरस्काराने सन्मानित
गुणवरे गावचे सुपुत्र धीरज अशोक आढाव यांना महाराष्ट्र बुक ऑफ रेकॉर्ड एक्सलन्स इन ह्यूमन रिसोर्स मॅनेजमेंट (एच.आर.) हा पुरस्कार शिवाजीनगर पुणे येथील पंडित जवाहरलाल नेहरू सांस्कृतिक भवन...
स्व.हणमंतराव पवारांमुळे श्रीराम बझारचा लौकिक सर्वदूर
एकता दर्शन : श्रीराम बझारचे व्यवस्थापन व कामगार यांच्यात योग्य समन्वयाचा सहकार महर्षी स्व.हणमंतराव पवार (आण्णा) यांनी घालून दिलेला आदर्श आजही संस्था कारभारात दिसत असल्याने श्रीराम बझारचा...
