जायंट्सच्या वतीने आश्रम शाळेला धान्य वाटप

येथील सामाजिक क्षेत्रात कार्यरत असणाऱ्या जायंट्स ग्रुपच्या वतीने अलगुडेवाडी (ता.फलटण) येथील आश्रम शाळेला आमदार श्रीमंत रामराजे नाईक निंबाळकर यांच्या अमृत महोत्सवी वाढदिवसानिमित्त आयोजित 'धन्यतुला' मधील धान्य वाटप करण्यात आले.

विधान परिषदेचे माजी सभापती व विद्यमान आमदार श्रीमंत रामराजे नाईक निंबाळकर यांच्या अमृत महोत्सवी वाढदिवसानिमित्त धान्यतुला आयोजित केली होती. याप्रसंगी जमा झालेले धान्य अलगुडेवाडी (ता.फलटण) गावातील पाच पांडव प्राथमिक व माध्यमिक आश्रम शाळेतील विद्यार्थ्यांसाठी देण्यात आले.

यावेळी जायंट्स ग्रुपचे मोहनराव नाईक निंबाळकर, शांताराम आवटे, प्रभाकर भोसले, फडे सर, आश्रम शाळेचे संस्थापक अध्यक्ष महादेव नाळे व अन्य मान्यवर उपस्थित होते.