'के.बी. कल्चर-२०२२' दांडिया स्पर्धा जल्लोषात

फलटण (एकता दर्शन) : के.बी. कंपनीने नवरात्र उत्सव दरम्यान आयोजित केलेल्या "के.बी. कल्चर-२२" अंतर्गत दांडिया स्पर्धेमध्ये जय तुळजाभवानी ग्रुपने प्रथम क्रमांक, नृत्य कलाग्रुपने द्वितीय क्रमांक तर तृतीय क्रमांक शिवशंभुग्रुने मिळवला आहे.

विजेत्या प्रथम क्रमांकाच्या ग्रुपला ११,१११ रुपये व सन्मानचिन्ह, द्वितीय क्रमांकाच्या ग्रुपला ७,७७७ रुपये व सन्मानचिन्ह, तृतीय क्रमांकाच्या शिवशंभु ग्रुपला ५,५५५ रुपये व सन्मानचिन्ह अशा स्वरूपाची बक्षिसे कंपनीचे संचालक सचिन यादव आणि गॅलक्सी क्रेडिट को-ऑपरेटिव्ह सोसायटीच्या संचालिका सौ. सुजाता यादव यांच्या हस्ते समारंभपुर्वक देण्यात आली. या स्पर्धेमध्ये अनेक स्पर्धकांनी आपला सहभाग नोंदविला होता.

या दांडिया स्पर्धेचा शुभारंभ कंपनीचे संचालक सचिन यादव आणि सौ. सुजाता यादव यांच्या हस्ते दीपप्रज्वलाने करण्यात आला. स्पर्धकांच्या पारंपरिक वेषभूशा, कंपनी मार्फत देण्यात आलेल्या सुविधा, स्पर्धांचे योग्य नियोजन, आकर्षक विद्युत रोषणाई, उत्कृष्ठ गरबा नृत्य आदी वैशिष्ट्ये या स्पर्धेची प्रमुख आकर्षणं ठरली होती. एकूणच डोळ्याचे पारणे फेडणारी स्पर्धा म्हणून या स्पर्धेकडे पहिले जात होते. यावेळी उत्साही वातावरणातील उकृष्ठ स्पर्धकांच्या सादरीकरणास उपस्थित प्रेक्षकांनी उत्स्फूर्त प्रतिसाद दिला. 

स्पर्धकांकडून कंपनीचे कौतुक 

या देखण्या कार्यक्रमात महाविद्यालयीन शिक्षण घेत असलेल्या सहभागी स्पर्धकांना 'तुम्हाला कंपनीत सर्वात जास्त काय आवडले'? असा सूत्रसंचालकाने प्रश्न उपस्थित केला असता यावर स्पर्धक उत्तर देत म्हणाले कि या आम्हाला या कंपनीचे कल्चर आवडले असून आमचे शिक्षण पूर्ण झाल्यानंतर भविष्यात जॉबसाठी आम्ही या कंपनीला प्रथम पसंती देऊ.