जिल्हास्तरीय प्रश्नमंजुषा स्पर्धेसाठी माझेरी शाळेची निवड

तालुकास्तरीय घेण्यात आलेल्या 'यशवंतराव चव्हाण विद्यार्थी व्यक्तिमत्व विकास प्रश्नमंजुषा' स्पर्धेमध्ये माझेरी शाळा संघाने प्रथम क्रमांक मिळविला असून माझेरी शाळेची जिल्हास्तरावर होणाऱ्या प्रश्नमंजुषा स्पर्धेसाठी निवड करण्यात आली आहे.

प्रश्नमंजुषा स्पर्धा येथील शाळा क्रमांक ८ मध्ये संपन्न झाली. यामध्ये फलटण तालुक्यातील फलटण, बरड, पवारवाडी, गिरवी, साखरवाडी, तरडगाव हे सहा बीट सहभागी होते. माझेरी शाळा फलटण बिटमधून सहभागी होती. या स्पर्धा केंद्रस्तरीय, बीटस्तरीय, तालुकास्तरीय, व जिल्हास्तरीय आशा होतात. फलटण तालुक्यातील सर्व शाळांचा या स्पर्धेत सहभाग होता. जिल्हास्तरीय स्पर्धेसाठी निवड झालेली माझेरी शाळा एकमेव आहे.

माझेरी शाळा संघाच्या या यशाबद्दल फलटण तालुक्याचे गटशिक्षणाधिकारी संकपाळ साहेब, विस्तार अधिकारी मठपती साहेब, विडणी केंद्राच्या प्रमुख सौ.बगाडे, माझेरी गावच्या सरपंच सौ.मनीषाताई दिघे, ज्ञानेश्वर दिघे, शालेय व्यवस्थापन समितीचे अध्यक्ष गणेश दिघे, उपाध्यक्ष उमेश झांजुर्णे, सदस्य व मुख्याध्यापक अरुण जाधव यांच्यासह ग्रामपंचायत ग्रामस्थ व अन्य संस्थांनी यशस्वी विद्यार्थ्यांचे अभिनंदन केले व जिल्हास्तरीय स्पर्धेसाठी निवड झालेल्या स्वरा हरिहर, शिवम अभंग, कृष्णा भगत या विद्यार्थ्यांना शुभेच्छा दिल्या.

यशस्वी विद्यार्थ्यांना संतोष जगताप, विकास भगत, भोईटे मॅडम, गणेश पोमणे, सौ.जाधव मॅडम आदींनी मार्गदर्शन केले.