प्रोग्रेसिव्ह कॉन्व्हेन्ट स्कूलच्या विद्यार्थ्यांची नवोदयसाठी निवड

फलटण : केंद्रीय मानव संसाधन मंत्रालयातर्फे घेतलेल्या नवोदय विद्यालय प्रवेशपात्रता परीक्षेचा निकाल जाहीर झाला. या प्रवेशपात्रता परीक्षेमध्ये फलटण येथील प्रोग्रेसिव्ह कॉन्व्हेन्ट स्कूल अँड ज्युनिअर कॉलेजच्या विद्यार्थ्यांनी यश मिळवले आहे. त्यामध्ये वेदांत विशाल आंधळकर, व आदित्य हिरामण साबळे या विद्यार्थ्यांचा समावेश असून त्यांची नवोदयसाठी निवड झाली असल्याची माहिती संस्थेच्या व्यवस्थापकीय संचालिका सौ. संध्या गायकवाड यांनी दिली.

सौ. गायकवाड म्हणाल्या, नवोदय विद्यालय प्रवेशपात्रता परीक्षेसाठी एकूण ८ विद्यार्थी बसले होते. त्यापैकी वेदांत आंधळकर, व आदित्य साबळे या २ विद्यार्थ्यांची सातारा येथील जवाहर नवोदय विद्यालय येथे निवड झाली असल्याने शालेय स्तरावरील विविध परीक्षेत यश मिळवण्याची परंपरा यावर्षीही सरस्वती शिक्षण संस्थेने कायम ठेवली.

संस्थचे सचिव विशाल पवार यशस्वी विद्यार्थ्यांचे कौतुक करताना म्हणाले, विद्यार्थ्यांना सर्व सुविधांसह दर्जेदार व गुणवत्तापूर्ण शिक्षण घेता यावे म्हणून केंद्र शासनाने जवाहर नवोदय विद्यालयाची स्थापना केली असून विद्यार्थ्यांनी आपला शैक्षणिक विकास नवोदयच्या माध्यमातून करून घ्यावा.

संस्थचे अध्यक्ष प्रदीप माने, कोषाध्यक्षा सौ. सविता माने, संचालिका सौ. प्रियांका पवार, प्राचार्य संदीप किसवे, पर्यवेक्षक अमित सस्ते, समन्वयिका सौ. माधुरी काटकर, सौ. सुवर्णा निकम, श्रीमती योगिता सस्ते, सर्व शिक्षक व शिक्षकेतर कर्मचारी यांनी सर्व यशस्वी विद्यार्थी, पालक व मार्गदर्शक शिक्षक यांचे अभिनंदन करून विद्यार्थ्यांच्या भावी वाटचालीस शुभेच्छा दिल्या.