भाजप अल्पसंख्यांक विभाग जिल्हा उपाध्यक्षपदी सागर शहा

फलटण येथील युवा उद्योजक सागर शहा यांची भारतीय जनता पार्टी अल्पसंख्यांक विभागाच्या सातारा जिल्हा उपाध्यक्षपदी निवड करण्यात आली असल्याचे स्वतः शहा यांनी एका प्रसिद्धी पत्रकाद्वारे कळविले आहे.

पंतप्रधान नरेंद्र मोदी, देशाचे गृहमंत्री अमित शहा, राज्याचे उपमुख्यमंत्री देवेंद्र फडणवीस यांचे हात राजकीयदृष्ट्या बळकट करण्यासाठी व माढा लोकसभा मतदारसंघात खासदार रणजितसिंह-नाईक निंबाळकर यांच्या नेतृत्वाखाली आपण आगामी काळात पक्षाच्या माध्यमातून काम करणार असून भारतीय जनता पार्टीची संघटनात्मक ताकद वाढविण्यासाठी प्रयत्नशील राहणार असल्याच्या प्रतिक्रिया शहा यांनी व्यक्त केल्या आहेत.

सागर शहा यांच्या निवडीबद्दल खासदार रणजितसिंह नाईक-निंबाळकर, जिल्हा परिषद माजी सदस्या ॲड.सौ.जिजामाला नाईक-निंबाळकर, फलटण पालिकेचे माजी विरोधी पक्षनेते समशेरसिंह नाईक-निंबाळकर, सातारा जिल्हा सरचिटणीस जयकुमार शिंदे, फलटण शहर अध्यक्ष व ज्येष्ठ नेते अनुप शहा, माजी नगरसेवक अशोक जाधव, अभिजीत नाईक-निंबाळकर, सचिन अहिवळे, बजरंग गावडे, अमोल सस्ते, अशोक भोसले यांच्यासह भारतीय जनता पार्टी महिला, युवक सेलच्या सर्व पदाधिकाऱ्यांनी त्यांचे अभिनंदन केले आहे.