संविधान दिंडीचे फलटणमध्ये स्वागत

एकता दर्शन : डॉ.बाबासाहेब आंबेडकर संशोधन व प्रशिक्षण संस्थेच्या वतीने आळंदीहून निघालेल्या संविधान दिंडीचे आगमन दि.२१ रोजी सकाळी झाल्यानंतर येथील डॉ.आंबेडकर चौकात संविधान दिंडीचे विविध सामाजिक संघटना व मान्यवरांनी स्वागत केले.

प्रारंभी मान्यवरांच्या हस्ते डॉ.बाबासाहेब आंबेडकर पुतळ्याला पुष्पहार घालून अभिवादन करण्यात आले. त्यानंतर संविधान उद्देशिकेचे सामुदायिक वाचन करण्यात आले. यावेळी आरपीआयचे मधुकर काकडे, विजय येवले, माजी नगरसेवक सनी अहिवळे, सुधीर अहिवळे, बापूसाहेब जगताप, प्राचार्य सावंत, ज्येष्ठ पत्रकार प्रा.रमेश आढाव, अजय माळवे आदी मान्यवर उपस्थित होते.

बार्टी संस्थेच्या वतीने संविधान प्रत व उद्देशिकेचे उपस्थितांना वितरण करण्यात आले. याप्रसंगी बार्टीच्या अधिकाऱ्यांनी संविधान दिंडीचा उद्देश सांगुन शासन योजनेची माहिती देत जनजागृती विषयक कार्यक्रम विविध गीतांच्या माध्यमातून सादर केले.