मालोजीराजे शिक्षक व शिक्षकेतर सेवकांची पथसंस्था यांच्यावतीने बापूराव जगताप यांचा सन्मान

फलटण : फलटण एज्युकेशन सोसायटीच्या मालोजीराजे शिक्षक व शिक्षकेतर कायम सेवकांची पतसंस्थेच्या वतीने बापूराव जगताप यांच्या सेवानिवृत्तीबद्दल मालोजीराजे शेती महाविद्यालयाचे प्राचार्य डी.एम. कोळेकर यांच्या हस्ते सत्कार करण्यात आला. यावेळी उपप्राचार्य सुधीर अहिवळे, पतसंस्थेचे चेअरमन विजयकुमार लोंढे, सचिव अनिल शिंदे आदी मान्यवर उपस्थित होते.

१९८८ रोजी बापूराव जगताप यांनी फलटण एज्युकेशन सोसायटीत आपल्या सेवेची सुरवात केली. १९८८ ते १९९२ दरम्यान श्रीमंत मालोजीराजे शेती विद्यालय फलटण, १९९२ ते १९९७ मुधोजी हायस्कूल फलटण, १९९७ ते २०११ मध्ये पुन्हा श्रीमंत मालोजीराजे शेती विद्यालय येथे त्यांनी सेवा केली. त्यानंतर २०११ ते आजअखेर वडले ता. फलटण येथे कार्यरत होते.

बापूराव जगताप यांच्या सामाजिक व शैक्षणिक कार्याची दखल घेऊन महाराष्ट्र राज्य शासनाने "डॉ. बाबासाहेब आंबेडकर समाजरत्न पुरस्कार" देऊन सन्मानित केले. बापूराव जगताप यांनी आपली नोकरी सांभाळत असताना स्वतःचे 'रामआदेश' नावाचे वृत्तपत्र सुरु करून आपल्या पत्रकारितेला सुरुवात केली, व 'रामदेशचा' पहिला अंक श्रीमंत शिवाजीराजे नाईक-निंबाळकर यांच्या हस्ते प्रकाशित केला. बापूराव जगताप यांनी फलटणच्या पंचायत समितीमध्ये पंचायत समिती सदस्य म्हणूनही कार्यभार पाहिला आहे. यासह मालोजीराजे शिक्षक-शिक्षकेतर कायम सेवकांच्या पतसंस्थेत ५ वर्षे चेअरमन होते, व सध्या याच पतसंस्थेत विद्यमान संचालक म्हणून कार्यरत आहेत. वडले ता. फलटण येथे बापूराव जगताप यांनी १२ वर्षे सेवा केली व तिथूनच ते सेवानिवृत्त झाले.

प्रारंभी लोकराजा राजर्षी छत्रपती शाहू महाराज यांच्या जयंतीनिमित्त त्यांच्या प्रतिमेला अभिवादन करण्यात आले. यावेळी मनोज कदम, प्रा. उत्तम घोरपडे, बाळासाहेब ननावरे, विजय नांगरे, हरिभाऊ मोरे, संतोष जाधव यांच्यासह शिक्षक व शिक्षकेतर कर्मचारी उपस्थित होते.