कारगिल युद्धातील शहिदांना श्नध्दांजली

फलटण : येथील ज्येष्ठ सामाजिक कार्यकर्ते अमिर खान मेटकरी यांच्या पुढाकारातून व राष्ट्रीय एकात्मता विचार मंच आणि जनशक्ती विकास प्रतिष्ठान यांच्या संयुक्त सहकार्यातून प्रतिवर्षीप्रमाणे यावर्षीही कारगिल युद्धात शहीद झालेल्या सैनिकांना श्नध्दांजली वाहण्याचा कार्यक्रम आयोजित करण्यात आला होता.

देशसेवेसाठी कारगिल युद्धात प्राणांची आहुती देणाऱ्या सैनिकांच्या स्मरणार्थ व युद्धातील विजयाचे स्मरण म्हणून 'विजय दिन' कार्यक्रम साजरा करण्याची परंपरा मेटकरी यांनी कायम राखली आहे.

या कार्यक्रमासाठी मुंबई हेल्थ फाउंडेशनच्या प्रमुख आशाताई जगताप, पुणे येथील भारतीय एकात्मता मंचचे ईस्माईल शेख, बशीरभाई शेख, ॲड. दिलीप शिर्के, प्रमुख अतिथी म्हणून राष्ट्रीय काँग्रेस अल्पसंख्याक सेलचे जिल्हा उपाध्यक्ष सिध्दार्थ दैठणकर उपस्थित होते.

प्रारंभी येथील विजयस्तंभ परिसरातील 'अमर जवान स्तंभा'स मान्यवरांच्या हस्ते पुष्पचक्र अर्पण केल्यानंतर मुधोजी हायस्कूलमधील एनसीसीच्या विद्यार्थ्यांनी संचलन करून विजयस्तंभाला मानवंदना दिली. दरम्यान आशाताई जगताप यांनी उपस्थितांना मार्गदर्शन केले.