फलटण तालुक्यातील रस्त्यांच्या कामासाठी १० कोटी ३२ लाखांचा निधी उपलब्ध

फलटण प्रतिनिधी : माढा लोकसभा मतदारसंघाचे खासदार रणजितसिंह-नाईक निंबाळकर यांच्या �

फलटण प्रतिनिधी : माढा लोकसभा मतदारसंघाचे खासदार रणजितसिंह-नाईक निंबाळकर यांच्या प्रयत्नातून फलटण तालुक्यातील रस्त्यांच्या कामासाठी केंद्रातील १० कोटी ३२ लाख रूपयांचा निधी उपलब्ध झाला असल्याने संबंधित गावातील नागरिकांनी खासदार रणजितसिंह नाईक-निंबाळकर यांचे आभार मानून समाधान व्यक्त केले आहे.

पंतप्रधान ग्रामसडक योजनेतुन फलटण तालुक्यातील खुंटे-येळकेवस्ती ते पाटणेवाडी ५ किलोमीटर अंतर रस्त्यासाठी ३ कोटी ४५ लाख, विडणी ते वडले दरम्यानचे ६ किलोमीटर अंतर असणाऱ्या रस्त्यासाठी ४ कोटी १४ लाख, मुरूम-तडवळे-काळज ४.५ किलोमीटर अंतर रस्त्यासाठी २ कोटी ७३ लाख असे एकूण १० कोटी ३२ लाख रुपयांच्या आर्थिक निधीला केंद्राची मंजुरी मिळाली असून हा निधी उपलब्ध करून देण्यासाठी खासदार रणजितसिंह यांनी पाठपुराव्याद्वारे विशेष प्रयत्न केले आहेत.