'मनशक्ती'च्या उपक्रमांचा विनामूल्य लाभ घ्यावा

फलटण : मनशक्ती केंद्र (लोणावळा) आणि डॉ.बाबासाहेब आंबेडकर आय आय टी इन्स्टिट्यूट (फलटण) या सामाजिक संस्थांच्या संयुक्त विद्यमाने दि. ३१ जानेवारी व १ फेब्रुवारी रोजी येथील उपळेकर महाराज मंदिरात मनशक्ती ग्रंथसाहित्य प्रदर्शन सकाळी ९ ते रात्री ८ वाजेपर्यंत सर्वांसाठी खुले राहणार असून या प्रदर्शनाचा व मनशक्ती केंद्रातील अन्य उपक्रमांचा विनामूल्य लाभ विद्यार्थी, युवक, पालक, नागरिकांनी घ्यावा असे आवाहन मनशक्ती केंद्राच्यावतीने पत्रकार परिषदेद्वारे केले आहे.

मनशक्ती केंद्राच्यावतीने फलटण येथील उपळेकर महाराज मंदिरात दोन दिवस भरविण्यात आलेल्या मनशक्ती ग्रंथ प्रदर्शनादरम्यान सर्वांगीण यश व आरोग्यासाठी अन्य उपक्रम प्रात्यक्षिकांसह राबविले जाणार असून यामध्ये ८ ते १८ वर्षे वयोगटातील मुले व युवकांसाठी, १८ ते ८० वयोगटातील तरुण, प्रौढ व ज्येष्ठ नागरिकांसाठी अभ्यास-ताण मापन चाचणी, स्थिरता चाचणी, मेंदू क्षमता चाचणी, मेंदू प्राबल्य, नैराश्य चिंता ताण, व्यक्तिमत्व चाचणी आदी चाचण्या प्रात्यक्षिकांसह घेण्यात येणार असल्याचे सांगत व्यक्तिगत मार्गदर्शनही केले जाणार असल्याचे मनशक्ती केंद्राचे सुरज कारंडे, सुषमाताई डोंगरे यांनी पत्रकार परिषदेत सांगितले.

मनशक्ती केंद्रातील विविध उपक्रमांचा विनामूल्य लाभ सर्व विद्यार्थी, पालक, नागरिकांनी घ्यावा असे आवाहन सोपानकाका शिंदे यांनी केले आहे. यावेळी सीमाताई कारंडे, मनीषा शेखर कांबळे, डॉ.बाबासाहेब आंबेडकर आयआयटीचे शेखर कांबळे यांच्यासह फलटण तालुक्यातील मनशक्ती केंद्रअंतर्गत काम करणारे प्रमुख साधक उपस्थित होते.