डॉ. बाबासाहेब आंबेडकर यांच्या जयंतीनिमित्त फलटणमध्ये विविध कार्यक्रमांचे आयोजन

गेली दोन वर्षे कोरोना महामारीमुळे देशातील सर्वच सण, उत्सव, समारंभ, महापुरुषांचे जयंती महोत्सव साजरे करता आले नाहीत. मात्र, यावेळी कोरोनाला ब्रेक लागल्याने सर्व महोत्सव समारंभाना सुरवात झाली असून फलटणमधील भारतरत्न डॉ. बाबासाहेब आंबेडकर जयंती महोत्सव समिती २०२२च्या वतीने विविध कार्यक्रमांचे आयोजन करण्यात आले असल्याची माहिती जयंती महोत्सव समितीचे अध्यक्ष ॲड. अनिकेत अहिवळे यांनी पत्रकार परिषदेत दिली आहे.

फलटण : गेली दोन वर्षे कोरोना महामारीमुळे देशातील सर्वच सण, उत्सव, समारंभ, महापुरुषांचे जयंती महोत्सव साजरे करता आले नाहीत. मात्र, यावेळी कोरोनाला ब्रेक लागल्याने सर्व महोत्सव समारंभाना सुरवात झाली असून फलटणमधील भारतरत्न डॉ. बाबासाहेब आंबेडकर जयंती महोत्सव समिती २०२२च्या वतीने विविध कार्यक्रमांचे आयोजन करण्यात आले असल्याची माहिती जयंती महोत्सव समितीचे अध्यक्ष ॲड. अनिकेत अहिवळे यांनी पत्रकार परिषदेत दिली आहे.

डॉ. बाबासाहेब आंबेडकर जयंतीच्या पार्श्वभूमीवर जयंती महोत्सव समितीच्यावतीने आयोजित पत्रकार परिषदेत ॲड. अहिवळे बोलत होते. यावेळी जयंती महोत्सव समितीचे कार्याध्यक्ष केतन सोरटे, सचिव सुशांत अहिवळे, उपाध्यक्ष ज्ञानरत्न अहिवळे, प्रतिक गायकवाड, कुणाल काकडे, सदस्य गौतम अहिवळे, सुशांत काकडे, अक्षय काकडे, उमेश कांबळे, अभि काकडे, निखिल अहिवळे आदी उपस्थित होते.

दिनांक ९ पासून सामाजिक विषयावर चित्रपट, नृत्य स्पर्धा, रक्तदान शिबीर, डॉ. आंबेडकर यांच्या जीवनावरील "गरूडझेप भिमाची" मराठी भीम गीतांसह विविध कार्यक्रम आयोजित केले असून दि. १३ रोजी रात्री १२ वाजता येथील डॉ. आंबेडकर पुतळ्याला मान्यवरांच्या उपस्थितीत सामुदायिक बुध्दवंदना, अभिवादन कार्यक्रम होणार आहे.

दि. १४ रोजी सकाळी ८ वाजता जिंती नाका (फलटण) येथे भीमज्योत स्वागत करून सायंकाळी ७ वाजता डॉ. आंबेडकर यांच्या प्रतिमांची भव्य मिरवणूक काढण्यात येणार आहे. दि. १६ एप्रिल ते २३ एप्रिल दरम्यान एकपात्री नाटक "मी सावित्रीबाई बोलतेय", व्याख्यान, महिला जनजागृती, युपीएससी, एमपीएससी, बँकिंग टेस्ट स्पर्धा, करियर कौन्सिलिंग व मार्गदर्शन, आंबेडकरी प्रजा परिषद आदी कार्यक्रम होणार आहेत.

डॉ. बाबासाहेब आंबेडकर मिरवणूक शुभारंभ महाराष्ट्र विधान परिषद सभापती श्रीमंत रामराजे नाईक निंबाळकर यांच्या हस्ते होणार असून याप्रसंगी प्रमुख पाहुणे म्हणून खासदार रणजितसिंह नाईक निंबाळकर, आमदार दिपकराव चव्हाण, श्रीमंत संजीवराजे, श्रीमंत रघुनाथराजे, माजी नगराध्यक्षा सौ. निताताई नेवसे, समशेर नाईक निंबाळकर, नितीन (भैया) भोसले, मिलींद नेवसे, नगरसेविका वैशाली अहिवळे, सनी अहिवळे, सचिन अहिवळे, विक्रम जाधव यांच्यासह प्रांतअधिकारी डॉ. शिवाजी जगताप, उपविभागीय पोलिस अधिकारी तानाजी बरडे, तहसिलदार समीर यादव, गटविकास अधिकारी डॉ. अमिता गावडे, मुख्याधिकारी संजय गायकवाड आदी मान्यवर उपस्थित राहणार आहेत.