फलटणमध्ये प्रशासकीय अधिकाऱ्यांच्या साक्षीने संविधान दिन साजरा

एकता दर्शन (फलटण) : २६ नोव्हेंबर १९४९ रोजी भारताचे संविधान देशाचे तत्कालीन राष्ट्रपती डॉ. राजेंद्र प्रसाद, पंतप्रधान पंडित जवाहरलाल नेहरू, सरदार वल्लभभाई पटेल यांच्या प्रमुख उपस्थितीत संविधान निर्माते डॉ. बाबासाहेब आंबेडकर यांनी भारताचे संविधान देशाला बहाल केल्याच्या पार्श्वभूमीवर हा दिवस संविधान दिन म्हणून संपूर्ण देशभर साजरा केला जातो. याच दिनाचे औचित्य साधून आज फलटण शहरात विविध सामाजिक संघटनांच्या वतीने येथील डॉ. बाबासाहेब आंबेडकर चौकात विविध कार्यक्रमांचे आयोजन करून संविधान दिन मोठ्या उत्साहात साजरा केला.

सकाळी ११ वाजता येथील डॉ. बाबासाहेब आंबेडकर यांच्या पुतळ्याला उपविभागीय पोलीस अधिकारी तानाजी बर्डे, तहसीलदार समीर यादव, नगरपालिका मुख्याधिकारी संजय गायकवाड यांच्या हस्ते पुष्पहार घालून अभिवादन करण्यात आले.

यावेळी ज्येष्ठ पत्रकार अरविंदभाई मेहता, प्रा. रमेश आढाव, डॉ. पी.एच. कदम, डॉ. प्रभाकर पवार, अमित भोईटे, ॲड. अनिकेत अहिवळे, अमीर शेख, सचिन अहिवळे, सुशांत अहिवळे, प्रतीक गायकवाड, मेहजबीन तांबोळी, किस्मत पटेल, अक्रम मुल्ला, उमेश कांबळे, संदीप काकडे, ॲड. प्रशांत काकडे, ॲड. रोहित अहिवळे, इमरान नियाज, अहमद कुरेशी, दत्ता अहिवळे, सिद्धार्थ अहिवळे, सागर सोरटे, शाम अहिवळे, एस.डी. कांबळे, आबासाहेब यादव, यशवंत कारंडे, विकास काकडे, चंदन काकडे, महादेव गायकवाड, मंगेश आवळे यांच्यासह आदी मान्यवर उपस्थित होते.

भारतीय संविधानाच्या उद्देशिकेचे वाचन उपविभागीय पोलीस अधिकारी तानाजी बर्डे यांनी केले यावेळी प्रबुद्ध विद्या भवन, मुधोजी हायस्कूल, विधी महाविद्यालय फलटण, रझाक उर्दू हायस्कूल अँड ज्युनियर कॉलेज, उर्दू प्राथमिक शाळा मधील विद्यार्थी व विद्यार्थिनी मोठ्या संख्येने उपस्थित होत्या. दरम्यान, शालेय विद्यार्थ्यांना फळवाटप करण्यात आले तसेच भारतीय संविधानाची उद्देशिका प्रमुख मान्यवरांच्या हस्ते विविध संघटनांच्या प्रमुखांना भेट म्हणून देण्यात आली.