एसटी व कार अपघात महिलेचा मृत्यू ; तिघे गंभीर जखमी

एकता दर्शन : फलटण-पंढरपूर मार्गावर राज्य परिवहन महामंडळाची एसटी बस आणि वेरना कार यांच्यात समोरासमोरा धडक होवुन झालेल्या अपघातात एका महिलेचा मृत्यू झाल्याची घटना घडली आहे.

फलटण-पंढरपूर मार्गावर पिंपरद गावच्या हद्दीत मुंजवडी (ता. फलटण) येथून फलटणकडे जाणारी एसटी बस आणि फलटण येथून सांगोल्याकडे जाणारी वेरना कार यांच्यात समोरासमोर जोरात धडक झाली. हि घटना दिनांक २५ रोजी सकाळी ७ वाजता घडली. या घटनेत वेरना कारमधील कमल भिमराव येलपले (वय ६७) या वृद्ध महिलेचा जागीच मृत्यू झाला. तर, मोहन भिमराव येलपले (वय ३७) स्वयंम सचिन येलपले, वरद मोहन येलपले हे तिघेजण गंभीर जखमी झाले असून त्यांच्यावर फलटण येथील खाजगी दवाखान्यात उपचार सुरू आहेत.

सदर अपघाताच्या घटनेचा अधिक तपास महिला पोलीस उपनिरीक्षक धोंगडे करीत आहेत.