गुणवरे येथे डॉ. बाबासाहेब आंबेडकर यांच्या महापरिनिर्वाण दिनानिमित्त विविध कार्यक्रम

एकता दर्शन (गुणवरे ता. फलटण) : भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या ६६ व्या महापरिनिर्वाण दिनानिमत्त गुणवरे ता. फलटण येथे विविध सामाजिक कार्यक्रमाचे आयोजन करण्यात आले आहे.

सकाळी ९ वाजता गुणवरे ग्रामपंचायत कार्यालयात डॉ. बाबासाहेब आंबेडकर यांच्या प्रतिमेस गावच्या प्रथम नागरिक सरपंच सौ. अधिका उत्तमराव गावडे यांच्या हस्ते पुष्पहार अर्पण करून अभिवादन करण्यात येणार आहे. सकाळी १० वाजता ग्रामपंचायत, समता सैनिक दल, पंचशील सामाजिक संस्था, रक्तवीर सामाजिक संघटना यांच्या संयुक्त विद्यमाने भव्य रक्तदान शिबीर आयोजित केले आहे. यावेळी सहाय्यक निबंधक इंदापूर जे.पी. गावडे, माजी जिल्हा परिषद सदस्य शिवाजीराव गावडे, प्रा. रमेश आढाव, पोलीस पाटील अमोल आढाव, पंचशील सामाजिक संस्थेचे अध्यक्ष सिकंदर आढाव, रक्तविर सामाजिक संघटनेचे आशिष काटे यांच्यासह सर्व ग्रामपंचायत सदस्य व विविध क्षेत्रातील मान्यवर उपस्थित राहणार आहेत.

रक्तदान शिबीर विकास सोसायटीच्या सभागृहात आयोजित केले असून प्रत्येक रक्तदात्यास आयोजकांमार्फत प्रोत्साहनपर भेटवस्तू दिली जाणार आहे. दरम्यान डॉ. बाबासाहेब आंबेडकर चौकातील समाजमंदिरात अभिवादन कार्यक्रम आयोजित केला आहे.