तालुक्यात ग्रामपंचायत निवडणूक रणधुमाळी होणार सुरु

एकता दर्शन (फलटण) : फलटण तालुक्यातील २४ ग्रामपंचायतींच्या २३८ जागांसाठी होणाऱ्या पंचवार्षिक निवडणुकीसाठी नामनिर्देशनपत्र दाखल करण्याच्या अखेरच्या मुदतीपर्यंत एकूण ९०५ नामनिर्देशनपत्र दाखल झाले असून यापैकी सरपंच पदासाठी १६९ व सदस्य पदासाठी ७३६ नामनिर्देशनपत्र दाखल झाले आहेत.

२८ नोव्हेंबर २०२२ ते २ डिसेंबर २०२२ पर्यंत नामनिर्देशन पत्र दाखल करण्याची मुदत होती. ७ डिसेंबर रोजी दुपारी ३ वाजेपर्यंत उमेदवारी अर्ज माघारी घेता येणार आहेत, याच दिवशी निवडणूक चिन्हांचे वाटप व निवडणूक लढवणाऱ्या उमेदवारांची यादी प्रसिध्द करण्यात येणार आहे. दि. १८ डिसेंबर रोजी संबंधित मतदान केंद्रावर सकाळी ७:३० ते सायंकाळी ५:०० यावेळेत मतदान होणार आहे. २० डिसेंबर रोजी येथील शासकीय विश्रामगृहाशेजारील गोदामात मतमोजणी करण्यात येणार असून निकाल जाहिर केला जाणार असल्याचे निवडणूक निर्णय अधिकारी तथा तहसीलदार समीर यादव यांनी सांगितले आहे.