भोईटे कुटुंबाने केली वारकऱ्यांची सेवा : डेक्कन चौकात अन्नछत्र

फलटण : येथील भोईटे कुटुंबाच्या वतीने प्रख्यात उद्योजक अरूण शेठ व अमित भोईटे यांनी डेक्कन चौकातील अशोका हॉटेल प्रांगणात पालखी सोहळ्यातील भाविकांसाठी अन्नछत्र उपलब्ध केले असून हजारो भाविकांनी याचा लाभ घेतला आहे.

संतश्रेष्ठ ज्ञानेश्वर महाराज पालखी सोहळ्यातील वारकऱ्यांना दरवर्षी चहा, नाष्टा आणि जेवन देण्याची परंपरा भोईटे कुटुंबाची असून नगरपालिकेचे उपनगराध्यक्ष स्व. नंदकुमार भोईटे सामाजिक कार्यक्रम राबवित असत परंतु एक वर्षापूर्वी त्यांचे निधन झाले, मात्र यावर्षी त्यांची उणीव भासू न देता त्यांचे बंधू अरूण शेठ यांनी पालखी सोहळ्याच्या माध्यमातून अन्नदान करण्याची परंपरा पुढे चालू ठेवली आहे.

फलटण शहरात माऊलींच्या पालखीचा दोन दिवस मुक्काम असून स्व. नंदकुमार भोईटे, स्व. अशोक भोईटे, व स्व. शामराव भोईटे यांच्या स्मरणार्थ सलग दोन दिवस भाविकांसाठी अन्न आणि पिण्याच्या पाण्याची सोय भोईटे कुटुंबाच्यावतीने करण्यात आली असून याचा लाभ वारकऱ्यांनी घ्यावा असे आवाहन अरूण भोईटे, अमित भोईटे, किरण भोईटे, अजय भोईटे, ऋतुराज भोईटे यांनी केले आहे.