एकता दर्शन वाचकांच्या पसंतीस उतरेल : अभिनेत्री मीरा जोशी

एकता दर्शन (कराड) : विविध क्षेत्रातील ताज्या घडामोडी व चमचमीत गॉसिप्ससाठी "एकता दर्शन" ऑनलाईन न्यूज पोर्टल आणि यूट्यूब चॅनेल वाचकांच्या भेटीस लवकरच येणार असून यामध्ये अचूक व निर्भीड बातमीपत्र वाचकांना पाहण्यासाठी मिळणार आहे, त्यामुळे "एकता दर्शन" ऑनलाईन न्यूज पोर्टल वाचकांच्या पसंतीस उतरेल असे गौरवोद्गार मराठी सिनेअभिनेत्री मीरा जोशी यांनी काढले.

"एकता दर्शन" ऑनलाईन न्यूज पोर्टल व यूट्यूब चॅनेल बोधचिन्हाचे अनावरण कराड येथे अभिनेत्री मीरा जोशी यांच्या हस्ते करण्यात आले याप्रसंगी त्या बोलत होत्या.

अनेक वर्षे एकता दर्शनचे विविध विषयांवरील विशेषांक व वृत्तपत्र प्रकाशित होत असून यामध्ये अभ्यासपूर्ण माहिती, बातम्या, लेख प्रकाशित झाले असून आता नव्याने सुरु होत असलेल्या ऑनलाईन न्यूज पोर्टलच्या माध्यमातूनसुद्धा दर्जेदार व गुणात्मक लिखाण, वस्तुनिष्ठ बातम्या, संशोधनात्मक माहिती वाचकांसमोर यावी अशी अपेक्षा व्यक्त करीत विश्वासार्ह व माहितीपूर्ण बातम्यांसाठी वाचकांनी "एकता दर्शन" ऑनलाईन न्यूज पोर्टलला अवश्य भेट द्यावी असे आवाहन मीरा जोशी यांनी यावेळी केले.