'डॉक्टर आपल्या दारी' उपक्रम वर्षभर राबवणार

एकता दर्शन : 'शासन आपल्या दारी' या पार्श्वभूमीवर फलटण येथील डॉ.प्रसाद जोशी व जोशी हॉस्पिटल प्रा.लि.च्या वतीने 'डॉक्टर आपल्या दारी' हा उपक्रम वर्षभर राबविला जात आहे. या उपक्रमाचा पहिला कार्यक्रम फलटण नगरपालिकेत पार पडला.

'डॉक्टर आपल्या दारी' या अभिनव संकल्पनेत आनंदी व निरोगी कसे राहावे याविषयी मार्गदर्शन करणे, आरोग्य तपासणी, उपचार पद्धती आदी विषयांचा समावेश असून 'डॉक्टर आपल्या दारी' उपक्रम शासकीय कार्यालयांत वर्षभर राबविण्यात येणार असल्याचे डॉ.प्रसाद जोशी यांनी यावेळी सांगितले.

'डॉक्टर आपल्या दारी' या उपक्रमाच्या पहिल्याच कार्यक्रमात फलटण नगरपालिकेतील सुमारे १५० कर्मचाऱ्यांची आरोग्य तपासणी करण्यात आली. यावेळी फलटण नगरपालिकेचे मुख्याधिकारी संजय गायकवाड, पालिकेचे पदाधिकारी व कर्मचारी उपस्थित होते.