विघ्नहर्ताच्या विद्यार्थ्यांचे प्रोॲक्टिव्ह अबॅकस स्पर्धेत उत्तुंग यश

एकता दर्शन, फलटण : गणेश कला क्रीडा मंच पुणे येथे झालेल्या ‘प्रोॲक्टिव्ह अबॅकस समर कॉम्पिटिशन मध्ये येथील 'विघ्नहर्ता प्रोॲक्टिव्ह अबॅकस सेंटर' मधील विद्यार्थ्यांनी उत्तुंग यश प्राप्त केले आहे. यामध्ये २१ विद्यार्थ्यांचा समावेश असून विघ्नहर्ता प्रोॲक्टिव्ह अबॅकस सेंटरला बेस्ट सेंटरचा पुरस्कार देऊन सन्मानित केले असल्याची माहिती विघ्नहर्ताच्या संचालिका सौ.कल्याणी कुलकर्णी यांनी दिली.

सौ.कुलकर्णी म्हणाल्या, 'प्रोॲक्टिव्ह अबॅकस समर स्पर्धेत' विघ्नहर्ता मधून २१ विद्यार्थी सहभागी झाले होते. यामध्ये आर्यन बावकर, प्रबुद्ध आढाव, सार्थक दोशी यांनी अनुक्रमे प्रथम, द्वितीय व तृतीय क्रमांक पटकावला. सिद्धी तेली यांनी चौथा व संग्राम गाडे यांनी पाचवा क्रमांक मिळविला. श्रीनाथ खरात, ओम भोसले, साई भोसले, गायत्री धनवडे, सिद्धेश हेंद्रे, रुचिता गोसावी, सार्थक नाळे, संस्कृती जगदाळे, युगंधरा कुंभार, सलोनी शेख, रणवीर देशमुख, राधिका कर्वे, समृद्धी तेली, आदित्य भुजबळ, तेजस्विनी जाधव, शिवतेज जाधव या विद्यार्थ्यांचा 'बेस्ट परफॉर्मर' म्हणून विशेष गौरव करण्यात आला. यावेळी विघ्नहर्ता प्रोॲक्टिव्ह अबॅकस सेंटरला 'बेस्ट सेंटर पुरस्कार' देऊन सन्मानित केले.

या स्पर्धेत ३ राज्यांतून जवळपास ८ हजार विद्यार्थी सहभागी झाले होते. ६ मिनिटांमध्ये १०० गणिते सोडविणे असे स्पर्धेचे स्वरूप होते. विद्यार्थ्यांना गणिताची आवड निर्माण व्हावी, अंकगणितीय कौशल्ये समृद्ध व्हावीत, विद्यार्थ्यांमध्ये आत्मविश्वास वाढावा, विद्यार्थ्यांची बौद्धिक क्षमता वाढावी यासाठी अशा स्पर्धा आयोजित केल्या जात असल्याचे सौ.कुलकर्णी यांनी सांगितले.

प्रोॲक्टिव्ह अबॅकसचे महाराष्ट्राचे डायरेक्टर गिरीश करडे, सारिका करडे, अजय मणियार, तेजस्विनी सावंत, कोल्हापूर प्रोॲक्टिव्ह अबॅकसचे संचालक, विघ्नहर्ताच्या संचालिका सौ.कल्याणी कुलकर्णी, अविनाश कुलकर्णी यांनी सर्व यशस्वी विद्यार्थी यांचे अभिनंदन करून विद्यार्थ्यांच्या भावी वाटचालीस शुभेच्छा दिल्या.