जायंट्सच्या आरोग्य शिबिरास रुग्णांचा उत्स्फूर्त प्रतिसाद

जायंट्स ग्रुप व संत ज्ञानेश्वर नागरी सहकारी पतसंस्था यांच्या संयुक्त विद्यमाने निंबळक (ता.फलटण) येथे मोफत आरोग्य तपासणी व उपचार शिबिर आयोजित केले होते. या शिबिरास निंबळक व परिसरातील नागरिकांनी उत्स्फूर्त प्रतिसाद देत शिबिराचा लाभ घेतला.

या आरोग्य तपासणी व उपचार शिबिरात नेत्र तपासणी, स्त्रीरोग तपासणी, रक्तदाब, इसीजी यासारख्या विविध तपासण्या करण्यात आल्या.

शिबिराचा शुभारंभ उपस्थित मान्यवरांच्या हस्ते दीप प्रज्वलित करून झाला. यावेळी माजी पंचायत समिती सदस्य व पतसंस्थेचे माजी चेअरमन वामनराव यादव, विद्यमान चेअरमन मेघराज नाईक निंबाळकर, व्हॉईस चेअरमन दत्तात्रय शिंदे, संचालक मारुती पवार, व्यवस्थापक देवानंद कापसे, जायंटस ग्रुपचे माझी अध्यक्ष मा.प्राचार्य अरविंद निकम, मोहनराव नाईक निंबाळकर, शांताराम आवटे, शिरीष शहा, सुरेश गांधी, विठ्ठलराव माने, सेक्रेटरी प्रभाकर भोसले सर, दीपक दोशी, बाहुबली गांधी, धनाजी जाधव, पी.पी.फडे, सुरेश शिंदे आदी मान्यवर उपस्थित होते.

शिबिरात डॉ.विलास रसाळ, डॉ.विक्रांत रसाळ, डॉ.दिव्या रसाळ, डॉ.आलोक गांधी, डॉ.सौ.शिल्पा आलोक गांधी, डॉ.पूजा काळे, डॉ.ज्ञानेश्वर धोंडसे आदींनी प्रत्यक्ष सहभाग घेतला होता.

निंबळक, मठाचीवाडी, गुणवरे, बरड, राजुरी, पिंपरद, वाजेगाव या गावातील नागरिकांनी शिबिराचा लाभ घेतला. दरम्यान २६६ रुग्णांच्या विविध तपासण्या करून मोफत औषधोपचार करण्यात आले. शिबिर यशस्वी करण्यासाठी पतसंस्थेचे व जायंट्स ग्रुपचे अधिकारी कर्मचाऱ्यांनी परिश्रम घेतले.