नगरपालिका निवडणूक पूर्ण ताकदीने लढणार : महेंद्र बेडके

फलटण : नगरपालिका निवडणुकीच्या तारखा जाहिर होताच राष्ट्रीय कॉंग्रेस पक्षाने फलटण शहरातील कॉंग्रेस पदाधिकाऱ्यांची व अन्य समविचारी राजकीय पक्ष व संघटनांच्या पदाधिकाऱ्यांची एक संयुक्त बैठक घेतली. या बैठकीत नगरपालिकेची निवडणूक समविचारी पक्षांना सोबत घेऊन पूर्ण ताकदीने लढण्याचा निर्धार व्यक्त करण्यात आला.

बैठकीसाठी फलटण तालुका काँग्रेसचे अध्यक्ष महेंद्र सुर्यवंशी (बेडके) शिवसेनेचे विजय मायणे, आजाद समाज पार्टीचे सनी काकडे, मंगेश आवळे, महादेव गायकवाड, काँग्रेसचे कार्याध्यक्ष अमीर शेख, काँग्रेसचे शहर अध्यक्ष पंकज पवार, अनुसूचित जाती-जमाती सेलचे उपाध्यक्ष सिद्धार्थ दैठणकर, राजेंद्र खलाटे, सदाशिवराव जगदाळे, अल्पसंख्यांक सेलचे सुलेमान शेख, ओबीसी सेलचे दीपक शिंदे, अरुण खरात, भारत अहिवळे, तात्या गायकवाड, श्रेयस कदम, अमित फाळके आदी उपस्थित होते.

याप्रसंगी काँग्रेस व अन्य समविचारी पक्षाच्या पदाधिकाऱ्यांना मार्गदर्शन करताना महेंद्र बेडके म्हणाले, आगामी होणारी फलटण नगरपालिकेची निवडणूक पक्षाचे ज्येष्ठ नेते व माजी मुख्यमंत्री पृथ्वीराज चव्हाण यांच्या मार्गदर्शनाखाली पूर्ण ताकदीने लढवणार असून अन्य समविचारी पक्षांना सोबत घेण्याचा आमचा मानस आहे. यावेळी महेंद्र बेडके यांनी काँग्रेसच्यावतीने बैठकीला उपस्थित असलेल्या अन्य पक्षांच्या पदाधिकाऱ्यांचे स्वागत यांनी केले.

शिवसेनेचे विजय मायणे म्हणाले, पालिकेची निवडणूक काँग्रेससोबत राहून लढू. आझाद समाज पार्टीचे सनी काकडे, मंगेश आवळे, महादेव गायकवाड यांनी सुद्धा राष्ट्रीय काँग्रेससोबतच निवडणूकीला सामोरे जाण्याची भूमिका मांडली. याप्रसंगी चैतन्य पवार, श्रीकांत पालकर, विक्रम निंबाळकर, राजू घनवट, अभिलाष शिंदे, सुनील निकोडे, मनोहर गायकवाड, नितीन जाधव, महेंद्र शिंदे, अजय इंगळे, प्रमोद चोरमले, एल.जी. बेंद्रे, अजिंक्य कदम, प्रीतम जगदाळे, महामुनी, सुरज भुलाया यांच्यासह विविध पक्ष, संघटनांचे पदाधिकारी व कार्यकर्ते उपस्थित होते.